A sa Maistresse
Veux-tu sonder le fonds de mon martyre,
Veux-tu sçavoir, Maistresse, en quel vaisseau
Flotte ma vie, et quel orage d'eau
Quel vent, quel flot tourmente mon navire?
L'eau sont mes pleurs, et la puissance forte
Des vents, des flots, mes soupirs et mes voeux,
La pouppe, soin, et mon esprit douteux,
Mal sain, mal caut, est la nef qui me porte.
Le mast constance, et le timon l'espoir,
10 Le voile erreur, Amour est le pilote,
Ta cruauté est l'orage qui flotte
Dessus mon chef, l'ancre est le desespoir.
Et qui pis est, il n'y a mer au monde
Pour se parer de la vague profonde
Qui n'ait un port, une rive, un recours:
Mais en la mer où vogue ma fortune
Je n'ay faveur du Ciel ny de Neptune,
Rive ne port qui vienne à mon secours.
