D'une Dame
Bran vous me cajollez, laissez-moy, je vous prie:
Que cherchez-vous illà, vous n'y avez rien mis?
Et sçay que vostre amour en autre lieu promis
Sera le seur tesmoin de vostre piperie.
Penseriez-vous, Monsieur, que j'aye esté nourrie
De si mauvais tetin, que je n'entende bien
Que voudriez, en passant, jouïr de l'amour mien
Pour faire puis apres que tout le monde en rie?
Non non je ne suis pas de celles que pensez
Qui pour le seul plaisir tiennent recompensez
Les services qu'Amour pour ses travaux desire.
J'aime bien le discours, j'aime bien la vertu:
Mais j'aime mieux celuy qui brave a combatu
L'esperance, la peur, sa dame et son martyre.
